229 Nuwe Covid-19 gevalle in die land bevestig

Die Namibiese gesondheidsministerie het 229 nuwe Covid-19 gevalle in die land bevestig.Eenhana het 41, Oshakati 26, Omuthiya 23,Tsumeb 17, Katima Mulilo 14 en Windhoek 12.Die res kom landwyd voor.Daar is steeds 18 650 aktiewe gevalle,met 99 191 wat herstel het uit ‘n kumulatiewe totaal 121 043


Oudpresident Zuma se seun het groot planne

Oudpresident Jacob Zuma van Suid-Afrika se seun Duduzane wil volgens die media in die buurland poog om aanstaande jaar by die ANC se verkiesingskonferensie die leierskap van die party by president Cyril Ramaphosa oor te neem. Hy het aan die media gesê dat ‘n mens groot mag droom en dat hy nie ‘n politikus is nie maar ‘n sakeman.Die uitlatings kom aan die vooraand van sy pa se hofverskyning Dinsdag.Die Suid-Afrikaanse polisie het intussen bekendgemaak dat spesiale eenhede ontplooi sal word om te voorkom dat ondersteuners van Zuma Dinsdag oproerig raak met sy hofverskyning in die KwaZulu-Natalse Hooggeregshof in Pietermaritzburg. Hy staar 16 aanklagte van korrupsie, afpersing, bedrog, belastingontduiking en geldwassery in die gesig.


Jacques Nienaber praat oor die Bokke

Rugby: Hulle leuse om nie verskonings te soek nie, maar om oplossings te vind het Suid-Afrika gehelp om die toetsreeks teen die Britse en Ierse Leeus met 2-1 in hulle guns te beklink. Dit is die mening van die Springbokke se hoofafrigter, Jacques Nienaber, na ‘n spannende derde toets gisteraand in die Kaapstad-stadion wat hule met 19-16 gewen het. Die Bokke se kaptein, Siya Kolisi, het Cheslin Kolbe en die agterlyn vir hulle pogings geloof. Hy sê die span het ‘n goeie spel-etiek en hulle leuse gaan hulle help om gereed te wees vir hulle twee toetse teen Argentinië.


WWO se jaarlikse fotografie-kompetisie

Die Wêreld Weerkundige-Organisasie het sy jaarlikse fotografie-kompetisie vir sy 2022-kalender van stapel gestuur. Sedert dit in 2014 bekend gestel is, het die WWO se kompetise al hoe groter status en erkenning begin geniet. Hulle soek hoë-gehalte en kunsfoto’s van die wonderbaarlike krag en skoonheid van die weer en natuurlike omgewing. Die WWO verwelkom foto’s wat die Wêreld Weerkundige Dag se 2022-tema van vroeë waarskuwing en vroeë optrede uitbeeld. Die wen-inskrywings sal op die WWO se 2022-aanlynkalender verskyn. Die foto’s sal ook op die WWO se webtuiste en op sosiale media-platforms pryk.


319 Nuwe Covid-19 gevalle in die land bevestig

Die Namibiese gesondheidsministerie het 319 nuwe Covid-19 gevalle in die land bevestig.Oshakati het 50, Windhoek 47, Engela 24, Walvisbaai 21, Oshikuku 17, en Okahao 13. Die res kom landwyd voor. Daar is steeds 18 566 aktiewe gevalle, met 99 055 wat herstel het uit ‘n kumulatiewe totaal van 120 814


Johnson & Johnson se COVID-19-enstof werk goed volgens SA Mediese Navorsingsraad

Die Suid-Afrikaanse Mediese Navorsingsraad sê die Johnson & Johnson se COVID-19-entstof werk goed in Suid-Afrika. Professor Glenda Gray, uitvoerende hoof van SAMNR, sê die entstof bied 91 persent tot 96-komma-twee persent beskerming teen die dood. Sy het bygevoeg dat dit 67 persent doeltreffendheid bied teen infeksie wanneer die Beta -koronavirus -variant oorheers en ongeveer 71 persent wanneer die Delta -variant oorheers.


Ministerie maan teen die produkte

Die Uitvoerende Direkteur van die Namibiese gesondheidsministerie doen ‘n beroep op streekdirekteure en hoof uitvoerende beamptes van plaaslike owerhede in die land om in die beste belang van verbruikers se gesondheid kennis te neem van die herroeping van sekere van KOO en Hugo’s se produkte.Daar word in die omsendbrief daarop gewys dat produkte soos sommige van KOO se geblikte produkte en Hugo’s se geblikte boontjies en Helderberg se geblikte ertjies wat tussen 1 en 5 Mei vanjaar geproduseer is deel uitmaak van die herroeping deur die vervaardigers. Die herroeping sluit egter nie KOO se ingelegde vrugte, KOO pilchards en KOO se produkte wat in glas verpak is in nie.


Nog reaksie op Suid-Afrika se nuwe minister van Finansies

ActionSA sê korrupsie gaan ‘n onwelkome verskyning in die president Cyril Ramaphosa se kabinet maak ná die aanstelling van Enoch Godogwana as minister van Finansies. Godogwana het in 2012 sy pos as adjunkminister van Ekonomiese Ontwikkeling ontruim, ná hy by ‘n skandaal betrek is oor beweerde bedrog van miljoene rand wat met pensioengeld van klerewerkers gepleeg is. ‘n Woordvoerder van ActionSA. Sabela Chalufa, sê Ramaphosa laat Suid-Afrikaners steeds in die steek deur nie beslissend op te tree en ter ondersteuning van deursigtige, verantwoordbare en korrupsievrye regering nie.