Volgens die Hidrologiese Diens van Namibië styg die Oranjerivier se vlak by Blouputs vinnig en die hidrologiese stasie het vandag 8,55 meter aangeteken. Weens die oorstromings het die Namibiese Paaie-owerheid aangekondig dat die MR118-pad tussen Rosh Pinah en Oranjemund gesluit is. Hoë vloei beweeg steeds in die Benede-Oranjerivier af, alhoewel die uitvloei van damme in Suid-Afrika stroom-op toegemaak is met slegs sluise van die Vaal- en Bloemhofdam wat nog oop is. Daar word verwag dat die vloei in die Benede-Oranjerivier in die komende weke hoog sal bly.