Nawatiseb in hof oor SME Bank-lening
Hoërhofregter Orben Sibeya het ‘n saak teen die voormalige adjunkminister van inligting, Engel Nawatiseb, wat daarvan aangekla word dat hy ‘n leningsooreenkoms met die SME Bank verbreek het, tot 19 Mei uitgestel, om hom toe te laat om ‘n regsverteenwoordiger te bekom. Na bewering het Nawatiseb se vorige prokureur om finansiële redes aan die saak […]
Sake-spilpunt ‘n waardevolle bate vir Kaapse entrepreneurs
Die Stad Kaapstad sê die Sake-spilpunt se hulplessenaar het bewys dit is ‘n waardevolle bate vir kleinsake in Kaapstad. Volgens die jongste Global Financial Centres Index, het die Moederstad verskeie stede in Afrika verbygesteek as die voorste finansiële sentrum. Die burgemeesterskomiteelid vir ekonomiese groei, James Vos, sê die stad is vasberade om voort te gaan […]
Namibië het derde beste paspoort in Afrika
Namibiërs het die derde beste paspoort in Afrika, wat ‘n Namibiese paspoorthouer toelaat om te reis na 78 lande sonder ‘n visum in 2021. Paspoorthouers van die Seychelles kan na 152 lande sonder ‘n visum reis en Botswana na 86 lande. Wêreldwyd, wen Japan en Singapoer die eerste prys met hul paspoorte wat hul burgers […]
Elf buitelanders vas met chroom van R5 miljoen
Elf buitelandse burgers van Zimbabwe en Mosambiek is in hegtenis geneem in verband met die onwettige besit van ontginde chroom ter waarde van vyf miljoen rand in Emalahleni, Mpumalanga. Die woordvoerder van die polisie, Donald Mdhluli, sê dit het gevolg nadat ‘n span wetstoepassingsagentskappe ‘n uitlok-operasie uitgevoer het.
Bank Windhoek vier 40ste bestaansjaar
Bank Windhoek het vandag sy 40ste bestaansjaarsvieringe afgeskop. Die besturende direkteur, Baronice Hans, sê die bank het talle mylpale oor die 40 jaar behaal. Dit was ook die eerste bank wat in 2009 selfoonbankdienste gevestig het. Die bank verskaf werk aan 1 561 Namibiërs in 53 takke landswyd. Die bank het gemeenskappe die afgelope vyf jaar met 20 miljoen Namibiese dollar ondersteun.
GreenPop plant meer as 5 000 bome regoor SA
GreenPop het bevestig 5 054 bome is regoor Suid-Afrika as deel van die GreenPop Herbebossingsfees geplant. Volgens die omgewings-organisasie was 700 deelnemers betrokke by die projek om woude te laat herleef. Die Verenigde Nasies het die plaaslike organisasie gekies om by sy Dekade van Ekostelsel-herstel aan te sluit, wat hoop om tussen 2021 en 2030 die aftakeling van ekostelsels wêreldwyd […]
Kaapstad-inwoners moet waterverbruik verantwoordelik bestuur
Die Stad Kaapstad moedig sy inwoners aan om hulle waterverbruik op verantwoordelike wyse te bestuur ten einde saam ‘n volhoubare waterverbruik te handhaaf en nie water te mors nie. Inwoners het die keuse om hulle eie watermeterlesings in te dien. Die burgemeesterskomiteelid vir Water en Sanitasie, Zahid Badroodien, sê meer as 673 000 meters doen […]
Venaani benadruk Dienda se mening nie dié van PDM
Die PDM-leier McHenry Venaani het sy party se parlementslid Elma Dienda se uitlatings in die parlement as verregaande beskryf. Sy is blykbaar van mening dat verkragting nie binne ‘n huwelik kan plaasvind nie en het ander stellings in die verband ook gemaak. Venaani het aan Kosmos 94.1 Nuus benadruk dat dit Dienda se persoonlike mening […]
Eskom stel projekspan aan vir staatskapingsverslag
Eskom verwelkom die Geregtelike Kommissie van Ondersoek se verslag oor aantygings van staatskaping, bedrog en korrupsie. Hy het ‘n projekspan aangestel om seker te maak die verslag en sy aanbevelings word hersien en verstaan en dat toepaslike optrede volg. Woordvoerder Sikonathi Mantshantsha sê die kragvoorsiener het reeds stappe gedoen om fondse terug te kry wat […]
Vier swartrenosterbulle in noorde van KZN hervestig
Vier swartrenoster-bulle is hervestig van Ezemvelo KZN Natuurlewe se Weenen-natuurreservaat en Ithala-wildreservaat na die Bonamanzi-wildreservaat in die noorde van KwaZulu-Natal. Volgens die bewaringsbestuurder van die Weenen-reservaat, Frik Lemmer, is die renosters gekies volgens deeglike beoordelingskriteria. Lemmer sê die diere is hervestig om die genetika te bewaar van die Weenen- en Ithala-swartrenoster-bevolking en om konflik tussen die bulle te verhoed. Daarby bevorder hervestiging […]