Beurtkrag duur tot Saterdag

Eskom het aangekondig fase 2-beurtkrag sal tot Saterdagoggend vyf-uur voortduur. Bedryfshoof Jan Oberholzer het inligting verskaf oor die huidige uitdagings vir die kragopwekking-stelsel. Die kragvoorsiener het gister fase 2-beurtkrag ingestel toe ‘n eenheid by die Medupi-kragstasie onklaar geraak het. Oberholzer sê hulle het gister beplan om 2 500-megawatt weer beskikbaar te stel in die kragnetwerk.