Amushelelo sê wat sy eise aan Nampol is

Die NEFF-aktivis Michael Amushelelo het aan Kosmos 94.1 Nuus bevestig dat hy deur sy Windhoekse regsfirma Kadhila Amoomo Legal Practitioners die Namibiese polisie vir 750 000 Namibiese dollar vir onwettige arrestasie en pyn en lyding gedagvaar het. Amushelelo is Woensdag tydens hoogdrama by die Craft Bistro in Windhoek in hegtenis geneem nadat hy die geskorste, stakende restaurant-werkers bygestaan het. Hy is weer vrygelaat, maar hy sê daar is genoeg bewyse hoe hardhandig Nampol-beamptes opgetree het. Amushelelo praat met Kosmos 94.1 Nuus oor hul eise.

Amushelelo sê hulle gee Nampol tyd om op die prokureursbrief te reageer.