Sakeman van Ondangwa bly in aanhouding na beweerde verkragting

‘n Sakeman van Ondangwa, die 53-jarige Otto Shikomba, bekend as Niimboto, bly in aanhouding nadat hy op twee klagte van verkragting in die landdroshof op dié Noorde-dorp verskyn het. Hy is Woensdag in hegtenis geneem nadat hy daarvan beskuldig word dat hy ‘n 23-jarige vrou verlede week twee keer verkrag het. Landdros Alice Gawanas het die beskuldigde borgtog geweier en die saak tot Dinsdag vir verdere ondersoek uitgestel, wanneer hy formeel om borgtog kan aansoek doen.