Jochen Traut van Cran tree uit

Die Kommunikasie Regulerende Owerheid van Namibië, Cran, kondig die uittrede van hul hoofbedryfsbestuurder, Jochen Traut aan. Traut was vir tien jaar by Cran en meer as 40 jaar in die telekommunikasiebedryf. Hy tree op 10 Januarie 2022 uit. Cran sê Traut se ervaring en professionalisme het bygedra tot talle prestasies en die suksesvolle implementering van Cran se strategiese doelwitte.