Huishoudelike skuld groei, besighede leen minder

Die syfers vir privaatsektor kredietverlening vir November is bekend. Volgens Simonis Storm in die hoofstad het kredietverlening verder afgeneem na 1,7 persent op ‘n jaargrondslag gemeet, teenoor 2,7 persent wat in Oktober vanjaar aangeteken is. Die makelaarsfirma sê huishoudelike skuld het met 2,8 persent gegroei teenoor 2,6 persent in Oktober en korporatiewe skuld het met 0,6 persent gegroei teenoor 3 persent in Oktober. Die syfers is op ‘n jaargrondslag gemeet. Simonis Storm sê skuld het die jaar met ‘n gemiddeld van 2,4 persent gegroei wat weereens aandui dat daar stadige ekonomiese herstel is, veral met werksverliese en maatskappye wat gesluit het.