Bouplanne vir Windhoek styg met 111%

Die Stad Windhoek het 167 bouplanne in Februarie goedgekeur, ‘n maandelikse toename van 111,4 persent toename vanaf Januarie se 79 goedkeurings. Die goedgekeurde bouplanne is gewaardeer op 72,7 miljoen Namibiese dollar, ‘n 229 persent maandelikse verhoging vanaf Januarie se treurige 22,1 miljoen dollar. Altesaam 37 nuwe woon-eenhede ter waarde van 23,5 miljoen is in Februarie goedgekeur, asook drie nuwe kommersiële en nywerheids-eenhede wat net 1,95 miljoen dollar beloop.