Bokke moet meer bestendige spel lewer

Die Springbok-senter Damian de Allende sê Engeland se spel verlede week om ‘n gelykop-uitslag teen Nieu-Seeland af te dwing, wys hulle is ‘n span om mee rekening te hou. Hy sê hy was nog nooit in ‘n Bokspan wat Engeland op Twickenham kon wen nie en hy sien uit om dit Saterdag te verander. De Allende sê toe hulle verlede seisoen teen Engeland gespeel het, wou hulle dinge in die laaste vyf tot tien minute te veel forseer. Hy sê hulle hoop om hierdie keer meer bestendige spel te lewer.