53ste Twee Oseane-marathon môre in Kaapstad  

Padwedlope: Ongeveer 29 000 hardlopers is gereed vir die naweek se 53ste Twee Oseane-marathon. Die wedloop van 56 kilometer van Nuweland tot Vishoek en oor Chapmanspiek voordat dit by die Universiteit van Kaapstad eindig, vind môre plaas. Stad Kaapstad se burgemeesters-komiteelid vir veiligheid en sekuriteit, JP Smith, sê die organiseerders verwag vanjaar meer as 20 000 deelnemers uit Afrika en ander lande.