Vakbondkongres kritiseer arbeidstelsel

Die sekretaris-generaal van die Vakbondkongres van Namibië, Mahongora Kavihuha, sê daar is inherent fout in die arbeidstelsel. Volgens hom kan maatskappye net ‘n tender bekom as hy arbeidswette nakom en tog is daar talle skuiwergate. Sy aanmerkings kom nadat werknemers by Shilimela Security weer vanjaar gestaak het as gevolg van werksomstandighede en salarisse. Vrae is reeds in die parlement aan arbeidsminister Utoni Nujoma gevra en hy moet teen Donderdag antwoord gee. Kavihuha sê dit is in realiteit steeds ‘n stryd.