Attenborough tweede keer tot ridder geslaan

Die omgewingskundige, skrywer en uitsaaier, David Attenborough, is ‘n tweede keer tot ridder geslaan vir sy diens in bewaring en televisie. Prins Charles het aan hom die Knight Grand Cross of the Order of St Michael and St George toegeken. Attenborough het hierdie gesogte toekenning ontvang as erkenning vir sy onlangse dokumentêre oor die natuur en sy veldtog teen klimaatsverandering. Die 96-jarige Attenborough is ook in 1985 deur koningin Elizabeth tot ridder geslaan.