Beroepsokkerspelers vra vir nuwe reël oor harsingskudding

Sokker: ‘n Liggaam wat die professionele spelers in Engeland en Wallis verteenwoordig het ‘n beroep gedoen vir ‘n nuwe reël wat tydelike vervangings sal toelaat indien ‘n speler gedurende ‘n wedstryd harsingskudding opdoen. Die beroepspelersvereniging het reageer op die verdediger van Leeds United, Robin Koch, se kopbesering tydens gister se Premierliga-wedstryd teen Manchester United. Hy het voortgespeel vir etlike minute, nadat sy bloeiende kop slegs verbind is. Die liggaam sê huidige reëls rondom harsingskudding stel nie spelers se veiligheid voorop nie.