Pentagon wil mense veilig uit Afghanistan kry

Die Pentagon sê hy fokus daarop om soveel mense as moontlik so doeltreffend en veilig moontlik uit Afghanistan te neem. Ongeveer 88 000 mense is reeds van die Kabul-lughawe ontruim. Generaal-majoor William Taylor van die Amerikaanse weermag sê vyf vlugte met Afghaanse vlugtelinge het reeds in Washington aangekom, waarvan 1 200 reeds biometriese ondersoeke en keuring ondergaan het.