NSFAS versoek universiteite om studente met finansiering by te staan

Die finansiële hulpskema vir studente in Suid-Afrika versoek universiteite om studente wat toegelaat is om sonder finansiering te registreer, by te staan om wel finansiering te bekom. Die woordvoerder van die hulpskema, Kagisho Mamabolo, sê baie instellings moet hulle eie bronne aanwend om te verseker hulle ondersteun studente wat kwalifiseer, terwyl die skema op die oorplasing van fondse wag.