Nege dood in Aussie storms

Nege mense is in Australië dood nadat hewige donderstorms die land se ooste oor die Kersvakansie getref het. Volgens die owerhede was meeste van die sterftes verdrinkings, toe mense deur stormwater meegesleur is. Een vrou is dood toe ‘n boom op haar geval het. Wilde weer het die state Victoria, Nieu-Suid-Wallis en Queensland op 25 en 26 Desember getref en groot haelkorrels en stortreën meegebring. Sterk winde het dakke afgewaai en bome laat val. Meer as 90 000 huishoudings is steeds sonder krag.