Kanada vernietig 13,6 miljoen Covid-spuite

Kanada gaan sowat 13,6 miljoen dosisse AstraZeneca Covid-inentings wat verval het, vernietig. Die land het in 2020 ‘n kontrak vir 20 miljoen dosisse met AstraZeneca gesluit. Tussen Maart en Junie verlede jaar het ongeveer 2,3 miljoen Kanadese minstens een dosis van die entstof ontvang. Kanada se ministerie van gesondheid sê weens die beperkte aanvraag na die entstof en ontvangerlande se uitdagings met verspreiding, het die lande dit nie aanvaar nie. Sowat 85 persent van die Kanadese bevolking is ten volle ingeënt.