Boris Becker is skaam oor bankrotskap

Die oud-tennisster Boris Becker sê dat dit ‘n verleentheid is om bankrot verklaar te word. ‘n Verhoor oor sy beweerde versuim om bates te verklaar duur in Londen voort. Die sesmalige Grand Slam-kampioen sê die slegte publisiteit het “handelsmerk Becker” beskadig en sy verdienste verminder. Becker is in 2017 bankrot verklaar en word daarvan beskuldig dat hy versuim het om bates insluitend trofeë en medaljes te oorhandig. Hy ontken 24 aanklagte teen hom.