Biden maak eerste keer melding van ‘volksmoord’

Amerika se president, Joe Biden, het vir die eerste keer Rusland se inval in die Oekraïne ‘n volksmoord genoem. Biden het vroeër die Kremlin se aanvalle in Oekraïne veroordeel en die Russiese president, Vladimir Putin, as ‘n oorlogsmisdadiger beskryf wat van oorlogsmisdade aangekla moet word. Die Oekraïnse president, Volodymyr Zelensky, het Biden se opmerkings verwelkom en sê dis noodsaaklik dat dinge op die naam genoem word wanneer ‘n mens opstaan teen boosheid.