Aftree-ouderom van staatsamptenare in NV bespreek

Tydens vandag se sitting van die Nasionale Vergadering het dr. Becky Ndjoze-Ojo, Swapo-parlementslid, die kwessie van die ouderdom van aftrede van staatsamptenare aangeraak. Ndjoze-Ojo het gesê die aftree-ouderdom moet hersien word en sy het voorbeelde van professore by beide NUST en Unam genoem. By een instelling tree sy professore af op die ouderdom van 60, terwyl die ander dit op die ouderdom van 65 doen. Dr. Ndjoze-Ojo sê een instelling sal vir vyf jaar ‘n goeie professor verloor en die professor kan uiteindelik by die instelling aansoek doen waar hy of sy vir ‘n verdere vyf jaar kan werk.