Stad Kaapstad staan matriekleerders by

Die Stad Kaapstad se biblioteke bied unieke studieruimtes en hulpbronne aan matriekleerders wat voorberei vir die eindeksamen. Leerders word versoek om na hul plaaslike biblioteke te gaan om te sien wat beskikbaar is. Die burgemeesterskomiteelid vir Gemeenskapsdienste en Gesondheid, Patricia van der Ross, sê Kaapstadse biblioteke is baie meer as slegs kennissentrums en stap die ekstra myl om te verseker matriekleerders het soveel hulpbronne moontlik voor hul eindeksamen.