Golden Globes skop môre toekenningseisoen af

Hollywood sal sy 2025-toekenningseisoen môre afskop by die jaarlikse Golden Globes waar rolprente soos “Wicked”, “The Brutalist” en “Emilia Perez”  benoem is voor die Oscars. Timothee Chalamet, Selena Gomez, Ariana Grande en Angelina Jolie is onder die sterre in die wedloop vir eerbewyse. Dit word vir die eerste keer deur die komediant Nikki Glaser aangebied en sal regstreeks op CBS uitgesaai word en op Paramount+ gestroom word.