Namibië, SA in mans- en vroue-finale by Nkosibeker

Suid-Afrika en Namibië sal weer in die binnenshuise hokkie Mans- en Vroue-eindstryde van die Nkosibeker in Kaapstad kragte meet, nadat hulle onderskeidelik in hul semifinaal en groepfase geseëvier het. Namibië se vrouespan het in hul laaste groepwedstryd met 2 – 3 teen Suid-Afrika verloor, maar albei spanne het reeds vir die eindstryd gekwalifiseer. Die vroue-finaal is vanaand om halfsewe. In die mans-semifinale het Namibië Nieu-Seeland met 6 – 3 geklop, terwyl Suid-Afrika Ierland met 5 – 0 gewen het. Die mans-eindstryd is vanaand om kwart-voor-agt.