Hengari bly agter tralies, beslis landdrosJune 6, 2025

Oud-landbouminister Mac Hengari bly in aanhouding na ‘n aansoek in die Windhoekse laerhof dat sy arrestasie op 26 April onwettig was, van die hand gewys is. Hy is in hegtenis geneem op ‘n klag van regsverydeling. Dit kom na hy blykbaar 230 000 Namibiese dollar aan die 21-jarige vrou wat hom van verkragting beskuldig het wou betaal, vermoedelik dat sy klagtes teen hom terugtrek. Landdros Monica Andjaba het die strafsaak uitgestel na 12 Junie. Hengari se regsverteenwoordiger, Patrik Kauta, het gesê hy sal vra dat die klagte teen Hengari uitgegooi word.