Proteas wen eerste van drie teen Engeland

Die Proteas het die eerste van drie eendag-wedstryde teen Engeland gisteraand op die Mangaung-ovaal in Bloemfontein met 27 lopies gewen. Suid-Afrika het 298 vir 7 in hulle 50 beurte aangeteken, met Rassie van der Dussen wat 111 lopies bygedra het en David Miller, 53. Na ‘n aanvangs-vennootskap van 146 tussen Jason Roy en Dawid Malan, is Engeland uitgeboul vir 271, na net 44 boulbeurte en twee balle. Die volgende eendag-wedstryd word môre ook in Bloemfontein gespeel, gevolg deur die laaste kragmeting, Woensdag, in Kimberley.