Trump se polisiefoto maak geskiedenis

Die Amerikaanse oupresident Donald Trump se polisiefoto sal na verwagting sy plek in die geskiedenis vind, saam met die foto’s van ander bekende mense wat met die gereg gebots het. Hy het met trots dié foto van sy suur gesig op sy sosiale media-platforms geplaas nadat hy aangekla is van rampokkery en sameswering. Hy het na bewering saamgespan om 2020 se verkiesingsuitslag te manipuleer toe hy teen Joe Biden verloor het. Ander bekende polisiefoto’s wat die ronde doen, is dié van Justin Bieber, OJ Simpson, Khloe Kardashian, Hugh Grant en Lindsay Lohan.