Noorse eiland wêreld se eerste tydvrye sone

Die 350 inwoners van Sommarøy in die land van die middernagson hoop om hulself van die tirannie van die klok te bevry deur die klein Noorse eiland tot die wêreld se eerste tydvrye sone te verklaar.

“Oor die hele wêreld word mense deur stres en depressie gekenmerk,” het Kjell Ove Hveding, die leier van die veldtog op die eiland, wes van Tromsø en binne die Arktiese sirkel, aan die Noorse openbare uitsaaier NRK gesê.

“Dit kan in baie gevalle gekoppel word aan die gevoel van vasgevang deur die horlosie. Ons sal ‘n tydvrye sone wees waar almal hul lewens ten volle kan leef … Ons doel is om volle buigsaamheid, 24/7 te bied. As jy die grasperk om 04:00 wil sny, dan kan jy dit doen.”

‘n Koffie saam met vriende op die strand om 02:00 is ‘n normale ding.

Die eilandbewoners, wie se vernaamste inkomstebronne toerisme en visvang is, vra dat formele openingstye afgeskaf word en dat mense toegelaat word om te “doen wat ons wil, wanneer ons wil” – hoewel kinders steeds skool toe sal moet gaan.

Foto: Verskaf