Navo sê Putin se kommentaar oor kernwapens is misleidend

Navo het Russiese President Vladimir Putin gekritiseer vir wat hy as sy gevaarlike en onverantwoordelike kommentaar beskryf het, ‘n dag nadat die Russiese president gesê het hy beplan om taktiese kernwapens in Belarus te plaas. Putin het die skuif vergelyk met die VSA wat sy wapens in Europa gestasioneer het, terwyl hy daarop aangedring het dat Rusland nie internasionale verdrae sal skend nie. Navo sê die Russiese president se kommentaar is misleidend en dat Navo-bondgenote optree met volle respek vir hul internasionale verpligtinge.