Geld bewillig vir 747 nuwe onderwysposteSeptember 26, 2023

In die Kavango-Oos-streek alleen is daar 45 skole wat met oorbevolking worstel uit ‘n totaal van 167 skole, volgens Knox Otto Imbuwa, die waarnemende uitvoerende direkteur van die onderwys-ministerie. Dit is in reaksie op eise wat deur werklose onderwysers in die Kavango-Wes- en Oos-streke gestel is vir onmiddellike massawerwing. Met betrekking tot bykomende onderwyserposte regoor die land vir die huidige akademiese jaar, sê Imbuwa die finans-ministerie het addisionele befondsing van 243 miljoen Namibiese dollar bewillig om voorsiening te maak vir 747 nuwe onderwysposte.