Geingob stel regters aan

Die Namibiese regbank het nuwe aanstellings deur President Hage Geingob aangekondig. Anne-Doris Hans Kaumbi is as waarnemende hoërhofregter vanaf vandag tot 31 Augustus vanjaar aangestel. Collins Parker is weer as waarnemende regter aangestel tot 31 Maart volgende jaar. Die aanstellings van Erich Kesslau en David Munsu, ook as waarnemende regters, is ook deur Geingob verleng tot 31 Maart volgende jaar.