Enkel-gebruik plastiek steeds volop

Produksie van eenmalige-gebruik plastiek het tussen 2019 en 2021 met 6 miljoen metrieke ton per jaar gestyg ondanks strenger wêreldwye regulasies. Daar is volgens kenners min vordering gemaak om die probleem aan te pak en herwinning ’n hupstoot te gee. Plastiekprodukte wat net een keer gebruik kan word het na vore getree as een van die wêreld se mees dringende omgewingsbedreigings, met groot hoeveelhede afval wat in stortingsterreine begrawe, of onbehandeld in riviere en oseane gestort word. Die vervaardigingsproses is ook ‘n groot bron van klimaatverwarmende kweekhuisgasse. Die tipe van plastiek sluit koffiebeker-deksels, plastiek waterbottels, wegneem-ete verpakkings en plastiekstrooitjies in.