Ebola: Daar’s nou 5 in Kampala-hospitaal
Nog twee mense in ‘n isolasie-eenheid van Uganda se hoofhospitaal het positief getoets vir Ebola, wat die totale aantal gevalle wat in die fasiliteit aangeteken is op vyf te staan bring. Die vyf bevestigde gevalle in Kampala is die eerste bekende oordrag van die virus in die stad, dae nadat die ministerie van inligting gesê het die land se Ebola-uitbreking kom onder beheer en sal na verwagting teen die einde van die jaar verby wees. Drie pasiënte onder 60 mense in isolasie by Kampala se Mulago-hospitaal het ‘n dag vroeër positief getoets vir die siekte.