Bitcoin daal tot onder US$20 000

Die prys van Bitcoin het vir die eerste keer sedert November 2020 onder 20 000 Amerikaanse dollar gedaal en kenners sê dat beleggers haas om dié kripto-geldeenheid, en ander, te verkoop. Die eenheid het tot 19 000 dollar gedaal van ‘n hoogtepunt van nagenoeg 69 000 dollar, en het meer as 70 persent van sy waarde verloor. Ethereum, nog ‘n gewilde kripto-geldeenheid het ook skerp gedaal. Dit is die jongste teken van onrus in die kripto-geldeenheidmark te midde van groter onstuimigheid in finansiële markte. Beleggers verkoop riskanter bates omdat sentrale banke rentekoerse verhoog om inflasie te bekamp.