Praat met Mnangagwa: Nelson Chamisa

Zimbabwe se voormalige opposisieleier, Nelson Chamisa, bepleit dialoog met president Emmerson Mnangagwa om die 2023-verkiesingsgeskil op te los. Chamisa, wat vroeër vanjaar as leier van die Citizens Coalition for Change uitgetree het, het die huidige regeringstrukture as onwettig gekritiseer. Hy het in Harare gesê hy hoop op ingrypings van die Suider-Afrikaanse Ontwikkelingsgemeenskap en ander kontinentale instellings om aandag te skenk aan die kwessie.