Prins William maak dokkie oor wildbewaardersMay 23, 2025

Prins William het in samewerking met United for Wildlife, ‘n nuwe baanbreker dokumentêre reeks getiteld Guardians bekendgestel. Die dokumentêr oor ses episodes bied ‘n seldsame blik op die gevaarlike werk van wildbewaarders wat wêreldwyd aan die voorpunt van bewaring staan. Die reeks volg stories van bewaarders wat in die Sentraal-Afrikaanse Republiek, die Indiese Himalajas, Mexiko se See van Cortez, Suid-Afrika se Krugerwildtuin, Sri Lanka en die Caru-inheemse gebied in Brasilië werk. Ongeveer 1 400 bewaarders het die afgelope dekade gesterf.