Tenders vir 21 Maart: Geen somme vir die kos bekend nieMarch 31, 2025

Tenders vir verversings vir die afgelaste onafhanklikheidsvieringe by die Onafhanklikheidstadion is in die nuus. Die Tender Bulletin berig dat die Kantoor van die Eerste Minister kwotasies aangevra het maar tot op hede is die toekennings en die kostes daarvan onbekend. ‘n Totaal van 295 kwotasies is ontvang met 111 wat nie responsief was nie. Die tenders was in twee dele – die eerste vir ‘n kwotasie vir 1 000 middagetes van twee vleise, slaai en bykosse en die tweede deel was vir die saag van karkasse wat deur die regering verskaf sou word. Vlae en baniere sou enigiets tot 2,3 miljoen dollar gekos het en die aankondigingstelsel tot 202 000 dollar. Die viering is ter elfder uur na Staatshuis verskuif.