Swakoppoort, Von Bach-damme styg steedsMarch 7, 2025

NamWater rapporteer dat twee van die drie sentrale damme weer invloei gehad het. Von Bach het sedert Maandagoggend 1,38 miljoen kubieke meter water gevat en het vanoggend op 31,6 persent gestaan. Swakoppoort het 36,2 persent gemeet na hy oornag 379 000 kubiek ingeneem het. Water vloei steeds in teen 4,4 kubieke meter per sekonde. Die Omatakodam is onveranderd op 28,1 persent vol. Geen melding is gemaak van enige ander damme nie.