Britse premier vra wêreldleiers om MIV-toets af te lê

Die Britse premier, Keir Starmer, versoek ander wêreldleiers om ‘n MIV-toets af te lê, nadat hy die eerste dienende Britse premier en G7-leier geword het wat ‘n openbare toets op kamera gedoen het. Sy kantoor het beeldmateriaal vrygestel van die Britse leier wat Vrydag ter ondersteuning van ‘n weeklange landwye inisiatief om MIV-toetsing aan te moedig, ‘n vinnige tuistoets in Downingstraat gedoen het. Die Britse Gesondheidsekerheidsagentskap bereken 4 700 mense in Engeland leef met ongediagnoseerde MIV en verhoogde toetsing is ‘n belangrike deel van die strategie om hulle te vind.