Man wat Koran verbrand voor hofsitting vermoor

‘n Man wat in 2023 in Swede herhaaldelik die Koran verbrand het en woede in Moslemlande ontketen het, is doodgeskiet. Die polisie het Salwan Momika se dood bevestig. ‘n Hof in Stockholm sou vandag beslis of die Christen-Irakees wat die Koran tydens ‘n rits betogings verbrand het, skuldig is aan die aanhitsing van etniese haat. Die uitspraak is tot volgende week uitgestel want meer tyd word benodig nadat Momika gesterf het.