Meatco stel waarnemende HUB aan, in stryd met kabinetsvoorskrif

Meatco se direksie het aangekondig dat die maatskappy se uitvoerende hoof vir veeverkryging en -produksie, Patrick Liebenberg, op 1 Februarie as waarnemende uitvoerende hoof aangestel sal word. Dit sal duur vir ses maande, of totdat ‘n nuwe substantiewe uitvoerende hoof aangestel is. Meatco se huidige uitvoerende hoof, Mwilima Mushokabanji, se kontrak eindig op 31 Januarie. Liebenberg se aanstelling is egter strydig met ’n kabinetsvoorskrif aan die finansministerie in Augustus verlede jaar dat Mushokabanji se kontrak verleng moet word.