Talle Hollywood-sterre geraak deur LA-brand

Een van die brande in Los Angeles is in die spogwoonbuurt, Pacific Palisades, die tuiste van talle bekende Hollywood akteurs en miljardêrs. Tom Hanks, Matt Damon, Steven Spielberg, Hillary Swank, Sally Field, Ben Affleck, Reese Witherspoon en Adam Sandler besit almal huise in die gebied. Sekere inwoners in die naburige Malibu, waar onder andere Beyonce, Lady Gaga en Billie Eilish van die bekende inwoners is, is ontruim. Die Star Wars-akteur Mark Hamill het in ‘n plasing op sosiale media gesê hy is uit sy huis in Malibu ontruim en het inwoners aangeraai om veilig te bly.