Aminuis-streeksleiers ondersteun Russe vir uraanontginning

Plaaslike media berig dat die streeksleiers van Aminuis wat onlangs op ‘n toer na Dalur JSC, ‘n filiaal van Rosatom, in die Kurgan-streek in suidelike Rusland was, gereed is vir uraanontginning om in die Leonardville omgewing te begin. Die afvaardiging was ingelig oor die prosesse van in-situ-loging, wat die grootste kommer plaaslik wek vir die uraan-reus se bedrywighede. Daar word berig dat die Ovaherero se senior raadslid vir die gemeenskap Gustav Kauta Headsprings Investments wil bystaan om so vinnig as moontlik met bedrywighede te begin. Kauta sê in Rusland word dieselfde ontginning toegepas en almal daar is gesond en die water is skoon.