Vertraging in desentralisasie: Plaaslike inwoners word benadeel

Die minister van stedelike en landelike ontwikkeling Erastus Uutoni het die regering se verbintenis tot die ondersteuning van ontwikkelingsinisiatiewe deur streeks- en plaaslike owerheidsrade herbevestig. Uutoni sê dat een van die instrumente wat hulle gebruik om die ekonomiese potensiaal van streke en plaaslike owerhede te benut om volledig te desentraliseer, hul Streeks- en Plaaslike Ekonomiese Ontwikkeling-witskrif van 2011 is, wat hulle hersien om die voortgesette relevansie daarvan te verseker. Aktivis George Kambala, het met Kosmos 94.1 Nuus gepraat en sê dit is krimineel om plaaslike inwoners van dienste te ontneem, soos in die geval van die Gibeon-dorpsraad wat ‘n totale begroting van 3 000 Namibiese dollar ontvang het vir die huidige boekjaar.