Mosiehof: Eiendomslenings van N$42 miljoen betaalbaar

Kommersiële banke het 47 aansoeke om verstekvonnisse vanoggend in die mosiehof gebring. Regters Hannelie Prinsloo en Boas Usiku het altesaam 90 aansoeke hanteer. Daar was 16 reël 108-aansoek op die rol. Daar is 31 eiendomslenings ter waarde van byna 42 miljoen Namibiese dollar wat nou betaalbaar is, met 14 lenings waarop 5,283 miljoen dollar geskuld word. Een voertuig moet ook terugbesorg word. In Maandag se sessie sal regter Orben Sibeya 24 onverdedigde egskeidings hanteer.