Zambezi-boere het steeds geen verligting van veediefstal nie

Boere in die Zambezi-streek het nog altyd ‘n stryd gehad om olifante uit hul landerye en weivelde weg te hou. Die afgelope jaar voer hulle ‘n stryd teen veediewe, hoofsaaklik van Zambië. Verlede jaar het boere in die streek verliese van 2 miljoen Namibiese dollar gely as gevolg van gewapende Zambiërs wat steeds onwettig grense oorsteek om beeste in Namibië te steel. Die veediewe verkoop die gesteelde diere aan slaghuise in Zambië en sommige gebruik dit selfs om vir lobola te betaal. Die Zambezi-streeksgoewerneur, Lawrence Sampofu, sê aan Kosmos 94.1 Nuus die veediefstal duur steeds voort.