Vier nuwe kommersiële eenhede van N$25 miljoen in Mei goedgekeur

Vier nuwe kommersiële eenhede ter waarde van 25 miljoen Namibiese dollar is in Mei goedgekeur wat ‘n 115,3 persent verhoging op ‘n maandgrondslag is. Daar was 16 kommersiële bouplanne ter waarde van 51,1 miljoen Namibiese dollar goedgekeur wat 79,3 persent minder is as dieselfde tydperk verlede jaar. Die aantal kommersiële en nywerheidseenhede het in Mei na 33 eenhede ter waarde van 135,3 miljoen in 12 maande gedaal, in vergelyking met 56 eenhede ter waarde van 652,9 miljoen Namibiese dollar die ooreenstemmende tydperk verlede jaar. Geen kommersiële en nywerheidseenhede is in Mei vanjaar voltooi nie.