Verstappen een stappie nader

Die Red Bull-renjaer Max Verstappen se tweede wêreldkampioenskapstitel wink nadat hy die Italiaanse Grand Prix gewen het. Charles Leclerc van Ferrari wat in die eerste posisie weggespring het, was tweede en George Russell van Mercedes derde. Die Red Bull-jaer Carlos Sainz en Lewis Hamilton van Mercedes het goeie vordering gemaak nadat hulle beboet is omdat hulle te veel enjinonderdele gebruik het. Sainz was vierde en Hamilton vyfde. Verstappen se elfde oorwinning vanjaar gee hom ‘n voorsprong van 116 punte bo Leclerc, wat beteken hy kan die kampioenskap by die volgende wedren in Singapoer inpalm.