Vermeende parlement-brandstigter glo nie geskik vir verhoorAugust 10, 2023

‘n Onafhanklike sielkundige evaluering het bevind Zandile Mafe is nie geskik om verhoor te word vir die brand wat in Januarie verlede jaar in die parlementêre kompleks in Kaapstad uitgebreek het nie. Die evaluering is op versoek van Mafe se regspan gedoen nadat drie staats-aangestelde spesialiste afsonderlike bevindings gegee het. Mafe staan tereg op aanklagte van brandstigting en terrorisme nadat twee miljard Suid-Afrikaanse rand se skade aangerig is. Regter Nathan Erasmus het die saak tot 1 September uitgestel sodat die staat en die verdediging kan verduidelik hoe hulle wil voortgaan. Mafe sal in die hospitaal-vleuel van die Pollsmoor-gevangenis aangehou word.