Trekkers verkoop soos soetkoek in Suid-Afrika

Die Landbousakekamer merk steeds optimisme op wat Suid-Afrika se trekkerverkope betref. Onlangse data toon trekkerverkope het jaar-op-jaar met 56 persent gestyg en 724 eenhede is verkoop. Volgens die hoofekonoom, Wandile Sihlobo, was die 2020-21-tydperk ‘n uitstekende tyd vir landbou, aangesien kommoditeitspryse hoër was, en dit het boere se finansies en dus ook die trekkerverkope ‘n hupstoot gegee.